गजल-३४५

Filed under: Gajal,Ishwar Pravasi,Nepali |
गजलकार

गजलकार

ईश्वर प्रवासी
युटा, अमेरिका 

दियो जलाएँ थिए तिम्रो नाउँमा
तर छुन दिएनौँ तिम्रो पाउमा ।

तिमी त्यहाँबाट बसाइँ सरेदेखि
कसम, गएको छैन तिम्रो गाउँमा ।

आफ्नै लागि सधैँ जीएको थिएँ म
आज राख्नु पर्‍यो जीवन तिम्रो दाउमा ।

महँगो ठान्थेँ म आफ्नै मायालाई…
किन बेच्नु पर्‍यो आज सस्तो भाउमा ?

चिन्नेहरुले आज दुनियाँ चिनिसके
म भने अपिरिचित छु आफ्नै ठाउँमा ।।

 

Find us on Facebook