गजल: १२३

Filed under: Gajal,Nepali,Tek Rimal,Writers |

गजलकार

टेक रिमाल
पिट्सबर्ग, पेन्सिलभेनिया

पिउँदा पिउँदै आफैंलाई, मातै बिरानो भो
सधैं समाई हिँड्ने तिम्रो, हातै बिरानो भो ।

कस्को आँखा लाग्यो कुन्नि, मेरो खुशीमा
झलमल पूर्णिमाको, रातै बिरानो भो ।

सँगै जिउँछु सँगै मर्छु भन्ने गर्थ्यौ तिमी,
भावनामा तिम्ले गर्ने, बातै बिरानो भो ।

मबाट तिमी धेरै, धेरै टाढ़ा हुँदा
लाग्छ मलाई तिम्रो मेरो, नातै बिरानो भो ।