गजल-१४७
कृष्ण संघर्ष
एडिलेड, अष्ट्रेलिया
योद्धाको गोलीबाट वैरीको मुटु चर्किएको कुरा सुन
छोरो आँसु बगाई माटो माग्दै झर्किएको कुरा सुन
सामन्तीको पिंजडामा पखेटा काटी कुँजिइदा
अग्नि रुप धरी सब जलाई फर्किएको कुरा सुन
हँसिया-हथौडा लिई हाँस्दै रणमा नाँचेको देख्दा
शासक जीवन बचाउन तर्किएको कुरा सुन
काम हुन्जेल भाँडो काम सकेपछि ठाँडो गर्नेहरुको
“संधर्ष”मा छाला काटी नुन छर्किएकको कुरा सुन