गजल ३२५
नवीन प्रभात-क्यानाडा 
कहिलेकाहीं जीवनमा एक्लै बसौं जस्तो लाग्छ ,
घरै छोडी कुटीभित्र, सधैं पसौं जस्तो लाग्छ ।
दिन रातको तनावले पागल सरह हुनु भन्दा ,
जट्टा पाली ‘भोला’ भन्दै खरानी घसौं जस्तो लग्छ ।
आइ रहन्छन् बोझहरु बाडौं भन्दा साथ् छैन,
त्यसैले त भिरबाट आफैं खसौं जस्तो लाग्छ ।
समस्याको पोकोले, सुन्दर शरीर कुरुप हुँदा
वाक्क भई ‘डोरीले गला कसौं’ जस्तो लाग्छ ।
हिम्मत राख सबै ठिक हुन्छ भन्छ दुनियाँ,
सकिन सोच्न र त कतै फसौं जस्तो लाग्छ ।