दरिद्र द्रब्य
भानु ढुंगाना
क्यानाडा
छ थोरै अझै होस् पुरागर्न मैले
उठाऔँ मलाई भएकै छ जैले।
पुगेको छ कस्को र लोभी मनै यो
दया छैन बाँडौँ नराम्रो धनै यो।।
हजारौँ कमाई हुँदा लाख फेरी
थिए मित्र मेरा भए सत्रु हेरी
छ यो तुच्छ पैसा सबैको छ दावा
न खाई नलाई मलाई छ धावा।।
न छोरा अगाडी मिले मूल हेरी
छ माता पिताकै बनी सत्रु फेरी
दिनै पर्छ पैसा यहाँ काल होला
यसै धाक मारी लियो दुष्ट चोला
छ द्रब्यै नराम्रो भयो आज काल
म गर्दै छु ऐले उही मिल्छ हाल
नसोची म ऐले धकेल्दै छु सारा
छ भोली मलाई यही हुन्छ पारा।।
भुजङ्गप्रयात छन्द