कथा लेख्दै मेटाउँदै
पाइलाहरु
आफ्नै रफ्तारमा हिँडिरहन्छन्
विरानो-विरानो गोरेटो भएर
कथा सुनाएँ एम्बुसको
कथा सुनाएँ समुद्री डाकाको
तर
उनीहरु मलाई सुन्दैनन्
म चुपचाप हेरिरहन्छु
पाइलाहरुको यात्रा – एक अन्त्यहीन यात्रा
झुल्कनुदेखि अस्ताउनुसम्मको
जुनकिरीको सहारामा
बल्ल-बल्ल बटुलेका
थोपा थोपा खुसीहरू
फेरि पोखिन्छन्
जब ठेस लाग्छ ती पाइलाहरुलाई
यस्तै कुन्नि के के माझ
फेरि पनि सुरु हुन्छ यात्रा
सुरु गर्नै पर्छ
कथा लेख्दै मेटाउँदै
पैतालाका डोबहरुमा