कवि दाहालको तुर्सा कवितासंग्रह प्रकाशित
कवि शिवलाल दाहालको दोस्रो कवितासंग्रह “तुर्सा” प्रकाशित भएको छ।
उनीद्वारा पछिल्लो समयमा लेखिएका ४६ वटा कविताहरुको संग्रहको भूमिका प्रा. डा. गोविन्दराज भट्टराईले लेखेका छन् भने उक्त संग्रहको समीक्षा भूटानी साहित्य डट कमका प्रधान सम्पादक रमेश गौतमले गरेका छन्।
अमेरिकाको कान्सास निवासी भूटानी साहित्यकार पुरानाघरेद्वारा प्रकाशित उक्त कृति पुण्य फाउनडेसनको आयोजनामा हिजो बेलडाँगीमा सम्पन्न १०४ औं लक्ष्मी जन्मजयन्ती कार्यक्रममा विमोचित भएको थियो।
दाहाल पछिल्लो समय भूटानी साहित्यिक परिवेशमा देखिएका निक्कै प्रभावशाली कवि मानिन्छन्।