खेम रिजालका चार मुक्तकहरु
खेम रिजाल
ओहायो, अमेरिका
१
जराले माटोलाई थामेको भए
गर्भमै ढुकढुकी छामेको भए
एक अर्कामा माया हुन्थ्यो होला
आफन्तले नाता जानेको भए ।
२
लेखेको रहेछ नाम उस्को
गोप्य राखियो खाम उस्को
अन्जान बन्यो बेखबर पात्र
धागोले बाधेको दाम उस्को ।
३
म त घरमा लुटिएँ
उस्को भरमा लुटिएँ
किन चाहियो जंगल
गाउ शहरमा लुटिएँ।
४
छेउमै बसी हेरिरहुँ लाग्छ
अंगालोमा बेरिरहुँ लाग्छ
गगन मस्केर हासेको देख्दा
क्यानभास केरिरहुँ लाग्छ ।