गजल-३६३
कृष्ण भण्डारी “काईलो”
ओहाइयो, अमेरिका
साँच्चै बालुवा खन्यो भने गैराईमा पानी निक्लन्छ
बाँझोलाई खनेर-जोतेर फुटायो भने खानी निक्लन्छ।।१।।
साहित्य कसरी बन्छ, यसरी मलाई किन सोध्नु हुन्छ ?
हृदयले केही कोर्दै-लेख्दै जानु होस कहानी निक्लन्छ।।२।।
लेख्नै आउँदैन, मन नै रित्तो छ, कलम कसरी चलाऊँ ?
जङ्गल पार गर्न फाँडदै बढ्नु पर्छ,सहर दामी निक्लन्छ।।३।।
प्रेम वियोग,गरिबको वेदना, दु:ख,कुन विषयमा थाल्नु ?
लेख्नमा आफूलाई विचलित बनाए ग्लानि निक्लन्छ।।४।।
थाल्नु पर्यो साहित्यिक कलम चलाउँन अहिलेदेखि
जे लेख्नु छ त्यही कुरो मनबाट शब्द छानी निक्लन्छ।।५।।