गजल-४०५
परमा अधिकारी (कान्छा)
पेन्सिल्भेनिया, अमेरिका
साँझ तिर भट्टी पसी टन्न पिउन कान्छा ।
आनन्दले हामी बसी टन्न पिउन कान्छा।।
ठुलै धर्मी देऊ भक्त लोकलाई देखाउन।
चन्दनटीका शिरमा घसी टन्न पिउन कान्छा।।
अस्ति खाको साउनीले हिसाब अघि सार्दा ।
बाँकी तिर्न कम्मर कसी टन्न पिउन कान्छा।।
कसले भन्छ धूम्रपानले मरिहाल्छ मान्छे ।
हाम्रा बाजे लागे असी टन्न पिउन कान्छा ।।
दिमाग खराब हुन्छ मेरो पढाई खर्च जोड्दा ।
केको कलम केको मसी टन्न पिउन कान्छा।।