गजल-४२१
नारायण फुएल
पेन्सिलभेनिय, अमेरिका
रिस उठेको बेला मलाई धुनको कुरा नगर भो
ल्याउनु भनी आकाशको जुनको कुरा नगर भो ।
आफ्नो स्वार्थ पर्दा खेरि अरूलाई देखाउनलाई
भएभरको धनसम्पति र सुनको कुरा नगर भो ।
लडाइँ गरी दाजुभाइ आफ्ना-आफन्तमा मर्ने
अर्थ विहीन बग्ने त्यस्तो खुनको कुरा नगर भो ।
छरछिमेकमा मर्दा पर्दा काम नलाग्ने मान्छेको
कर्तव्य हीन पशुहरूको गुनको कुरा नगर भो ।
लइनो हुन्जेल पालन पोषण गरीकन गाईको
थारो हुँदा दूध नआउने थुनको कुरा नगर भो ।