गीत
आर. बि. खड्का
ओहायो, अमेरिका
मलाई नर्क मिलोस या त स्वर्ग नै जाऊँ
इच्छा यही छ बाँचुञ्जेल सहयोग गर्न पाऊँ ।
फाटेको मन सिउन सक्ने घागो म बन्न सकौं
सबैले हिँड्न सक्ने बाटो म खन्न सकौं ।
दुखेका मुटुहरुमा मलम बनि म छाऊँ
इच्छा यही छ बाँचुञ्जेल सहयोग गर्न पाऊँ ।
अँध्यारा बस्तिहरूमा उज्यालो छर्न सकौं
सबैका मुहारमा मुस्कान म भर्न सकौं ।
वसुधैव कुटुम्बकम् सबैले मिली गाऊँ
इच्छा यही छ बाँचुञ्जेल सहयोग गर्न पाऊँ ।