पागल उपमा

खुल्ला आकाश तोड्ने  अनि

धर्ती सब माझ छोड्ने

यस्ता बकमफुसे कुरा मैले

कसैसँग बोल्या छैन, खोल्या छैन

तर पनि जिन्दगीले

कहिले उकाली र ओराली खेदाउँदा

लड्दै, उफ्रँदै,  कराउँदै

भाग्ने त पागल होस

भन्दै उनी ठूलो आवाजमा कराइरहँदा

मलाई त्यो उपमा स्वीकार गर्न

एउटा आदर्श विचार मनभित्रैबाट आयो र

सहर्ष स्वीकारी म

एक छुट्टै यात्री बनी

त्यस दिनबाट

उसकै उपमा लिई हिँड्दै छु दोबाटोमा !