प्रकृति
प्रतिमान सिवा
ओहायो, अमेरिका
(बाल कविता)
सारै सुन्दर छ यो प्रकृति,
झनै राम्रो यो विशाल सृष्टि ।
हेर त हेर सारा पृथ्वीमा,
रमेकाछन् आफ्नै स्थितिमा ।
राता पहेँला चरी, रातै फूल,
सबै मिली भएकाछन् एकै हुल ।
भुर्र भुर्र यता उति उड्छन्
संसार डुली घर फेरि घुर्छन् ।
टपटप गरी टिप्छन् अन्नका दाना,
बाँडी चुँडी खान्छन् सबै ठुला साना ।
त्यो सानो राम्रो प्यारो खरायो
एकैछिनमा लौ कता हरायो ।
जाऊ जाऊ नानी हेर बारीमा,
यता लुक्यो कि उता पस्यो घारीमा ।
रङ्गी बिरङ्गी उड्छन् पुतली,
बार्दलीमा बसी गाउँछन् गौँथली ।
डिलमा बसी गाउँछिन् आमा,
कोसेली बोकी आउँछन् मामा ।
फूलै फूल हेरी मन भयो दङ्ग
हरियालीले ल्यायो नयाँ उमङ्ग ।