प्रहेलिका प्रकाशित 

 सन् २०२४ नववर्षको दुई दिन पूर्व  प्रकाशक साङ्ग्रिला बुक्सले सामाजिक सञ्जाल फेसबुक मार्फत जे.एन.दाहालको प्रहेलिका, उपन्यास प्रकाशित भएको जानकारी दिएको छ। लेखकले तेह्र सालदेखि साक्षात्कार गर्दै आएको

अमेरिकन समाज,  देखे /भेटेका  पात्र र तिनको संवेदना कथ्यको मूल विषयवस्तु हो  । पुस्तकमा अमेरिकी संस्कृति ,  मजदुरको जीवनशैली र तिनीहरू बिचको प्रेम, सम्बन्ध र व्यवहार प्रस्तुत छ ।

 बाह्रखरीले हालै गरेको २०८० कथा प्रतियोगितामा उत्कृष्ट २५ भित्र पर्न सफल लेखक दाहालको यसअघि  ‘ लेखककी छोरी ‘ कथासङ्ग्रह २०७६ मा बजारमा आइ सकेको छ।  भुटानमा जन्मेका जे.एन डायस्पोराबाट लेखि रहेका छन् । प्रहेलिका उनको दोस्रो आख्यान हो ।