राकेश काफ्ले तुलसी मञ्जरी लिएर आउँदै

लामो समयदेखि नेपाली भाषामा कलम चलाउँदै आएका भूटानी लेखक राकेश काफ्ले आफ्नो पहिलो गीति एल्बम तुलसी मञ्जरी लिएर गीतकारका रुपमा नेपाली साङ्गीतिक आकाशमा प्रवेश गर्दै छन्।

काफ्लेद्वारा रचित ७ वटा गीत तथा गजल समावेश गरिएको एल्बम तुलसी मञ्जरीमा गायक सिडी विजय अधिकारी र गायिका मनिषा राईले आवाज दिएका छन् भने चाँडै बजारमा आउन लागेको उक्त एल्बमको बजार व्यवस्थापन सिडिएम म्युजिक क्रिएसनले गरेको छ।

भूटानको चिरांग जिल्लामा जन्मिएका काफ्लेले अमेरिकाको आइओवामा पुनर्बासित हुनु अघि आफ्नो जीवनको सक्रिय समय पूर्वी नेपालको शनिश्चरेस्थित भूटानी शरणार्थी शिविरमा बिताएका छन्। पछिल्लो समय भूटानी ढुकढुकी कार्यक्रमको नियमित उत्पादन तथा निर्देशन गर्दै आएका काफ्ले उक्त कार्यक्रमका कार्यक्रम सञ्चालक पनि हुन्।

Bhutaneseliterature.com काफ्लेको उज्ज्वल साहित्यिक भविष्यको कामना गर्दछ।