दियालोको तेस्रो अङ्क विमोचन

द लिटरेरी सोसाइटी अफ् भूटानको तेस्रो वार्षिक उत्सव बेलडाँगी शिविरमा आज मे २ तारिख सम्पन्न भएको छ। तिलक राईको अध्यक्षतामा रहेको सो कार्यक्रममा दियालो साहित्यिक पत्रिकाको तेस्रो अङ्क विमोचन भयो।

द लिटरेरी सोसाइटीको आफ्नै पुस्तकालयमा सम्पन्न कार्यक्रममा प्रमुख अतिथिमा डा. गोविन्द रिजाल र अतिथिहरू सञ्चाहाङ सुब्बा, मणिराज सुब्बा,आशा राई, अवि अधिकारी, दिपा शर्मा, कुमार भट्टराई, जङग मगर, जग बहादुर सुन्चिउरी, खेलाडी कर्म तामाङ लगायतको उपस्थिति थियो ।

‘देश सँग साहित्य’ भन्ने चिन्तनमा आधारित दियालो पत्रीकामा डा.भम्पा राईको आवरण चित्र छ। उक्त संस्थाले यो अङ्क विशेष उहाँको योगदानको मूल्याङ्कन गरी समर्पण गरेको हो ।पूर्ण गुरुङले दिनु भएको शुभकामना मन्तव्य सँगै अघि बढेको कार्यक्रममा कविहरूले पालै पालो कविता र गजल वाचन गरेका थिए । पच्चीस जना जति सहभागिता रहेको कार्यक्रम दिल भूटानी सञ्चालककोमा रूपमा प्रस्तुत थिए।