आशा प्रकाशित

अबि न्यौपाने अभिषेककृत ” आशा ” नामक नाटक सङ्ग्रह हालै बजारमा आएको छ । यही मङ्सिर १४ गतेका दिन स्वीकारोक्ति फाउन्डेसनले विश्व यात्रा सन् २०२३ को भ्रमणका क्रममा झापाको बिर्तामोडमा उक्त पुस्तक विमोचन गरी सकेको छ ।

जी.बि.एल.ओ द्वारा प्रकाशित न्यौपानेको नाटक सङ्ग्रह आवरण चित्र सहित १२२ पेजको छ। उक्त पुस्तकमा ‘आशा -१’ , ‘आशा-२’, ‘अपराध’ र ‘पुरा भएको सपना’ गरी ४ वटा नाटकहरू समावेश गरिएका छन् । उनका “ती अधुरा सपना”, “नारी प्रतिको थिचोमिचो ” , “वियोग” जस्ता केही नाटक विभिन्न कार्यक्रमहरूमा मञ्चन पनि भई सकेका छन् ।

लेखक तस्विर

नाटककार अबि न्यौपाने अभिषेकको यसअघि ‘शब्द अस्त्र ‘ रुवाई सङ्ग्रह वि.सं २०६७, ‘श्री गणेश पञ्चायन भजन’ सङ्ग्रह सन् २०१८, ‘ईश्वरको खोजीमा म’ सन् २०२१ प्रकाशित भई पाठकको हातमा पुगी सकेका छन् ।