कविता र समालोचना
मनोज बोगटी
सङ्घारको मान्छे
न आँगनको
न घरको।
त्यसको दाबीको झुस्लुङ्ग अनुहार पढ्ने
सांसदको चश्मा नै फुटेको छ।
संविधानबाट पल्टेर भर्छन्
किर्नाजस्ता अक्षरहरू।
ती नै अक्षरहरू
इन्द्रेणी जस्तो टल्किन्छ
राजनीतिमा।
रङ चिनेर पनि
त्यो अक्षरमा डुब्दैन
र रङ नै नभएको अक्षरहरूको हल्लाले छोपिन्छन्
जिम्लिएका बोलीहरू।
चिन्नुभो घनश्याम नेपालज्यू
त्यो मान्छे को हो?