गजल-२८९

राकेश काफ्ले
बोस्टोन, अमेरिका

शाषकद्वारा देशका सपूत भुटिएको गजल हो यो
बाबुसामु निर्दोष छोरी लुटिएको गजल हो यो

दन्किँदो त्यो ज्वालामा सल्किरहे दौरा-सुरुवाल
“आवाज बन्द” भनी मुखै खुटिएको गजल हो यो

पौरख गरी रातोदिन देश बनाउने देशभक्तलाई
हतकडी लगाई कोदोझैं कुटिएको गजल हो यो

यौन-पिपासु तानासाहको भार थाम्न नसक्दा
अकालमै सुत्केरी प्राण चुटिएको गजल हो यो

सम्झिँदा नि कहाली लाग्ने नब्बेको ज्वालामुखी
जन्मभूमिबाट सदासदा छुटिएको गजल हो यो