गजल-३५३
केशव नेउपाने
ओहायो, अमेरिका
गयो कठोर दिल बनाई भावना बोकेर
ऊ आफूभन्दा धेरै ठूलो सपना बोकेर ।
हलो बोकी झऱ्यो किसान खेत जोत्न
खाजा भुटेको मकै अनि चना बोकेर ।
अस्ति नेताले दिएको भाषण सम्झिँदै
बाँचिरहेछ विकासको कल्पना बोकेर ।
धान छर्दा छऱ्यौ एउटा बिउ मेरो मनमा
मलीलो भई आयो तिम्रो सम्झना बोकेर ।
लाग्छ सुख भट्टीमा मात्रै मिल्छ आजभोलि
जिन्दगी बिग्रँदै त छैन? यस्तो चेतना बोकेर!!