गीत
यज्ञ काश्यप
नर्थ डाकोटा, अमेरिका
निष्ठुरी त थिइन् थिइन् उनी, बैगुनी पनि भइन्,
मुटु हातमा थमाएर, धड्कन आफैसँग लिएर गइन्।
खाएका ती अमृतरूपि कसम, विष बनाई गइन्,
टुसाएको त्यो कलिलो पिरती, निमोठेर गइन्।
निष्ठुरी त थिइन् थिइन् —–
माया गरेथेँ दुई जोबनलाई बुनी, सात जुनी सम्झी,
छल गरिन् धोका खाएँ, निष्ठुरीको प्रेमजालमा परी।
निष्ठुरी त थिइन् थिइन् —-
दिनमा लडेँ रातमा ढलेँ, आँसुका थोपा थोपामा बगेँ,
निष्ठुरीको माया भुल्न, बौलाहा सरी बर्बराउँदै हिँडेँ।
निष्ठुरी त थिइन् थिइन् —-