विवाहको लगन
‘म’ तिमीलाई दियो,
‘तिमी’ मलाई दियो
नाथे एकदिने खेतालो
भएर पनि कति ठूलो
हाजिरा लियो
यो विवाहको लगनले |
तिमी ममा भित्र्याउने
नाटक गरेर रित्याउनु रित्यायो
पुर्ख्यौली भकारीहरू,
एक चिम्टी सिन्दूर
र
नौ दश लुङ
पोतेको व्यापारमा
लुट्नु लुट्यो
दिनदहाडै हामीलाई
यो विवाहको लगनले |
यो अन्यायविरुद्ध
नारा जुलुस लगाउन
न मैंले सकेकोछु
न कसैले सकेको छ |
एउटा हातमा संस्कृति
र
प्रतिस्पर्धाको रिवल्भर
बोकेर अर्कोमा
मान्छेको निर्बलतामाथि
खुल्लमखुल्ला बलात्कार गर्छ
यो विवाहको लगन |
फाल्गुन २० २०६०, विराटनगर
daju bibhale ruwayoki kyaho….. nate bibha mandirma gare bhaihalo ni……nabhaye kunai din garda pani huncha….