गजल-१३३
दिन ढली साँझ भाग्दा जिइरहेछु रातहरु,
रात गली नशा लाग्दा पिइरहेछु मातहरु ||
जीवनभरको साथलाई नियतीले खोसी लिंदा,
असाह्यको साथ मागी दिइरहेछु हातहरु ||
भरोसाको रुख ढली आशै-आशको हाँगा फाट्दा,
मनभित्र च्यातिएको सिइरहेछु पातहरु ||
विश्वासको नाता गाँसी दिन-दिनै धोका पाउँदा,
ईमानको भेटी चढाई लिइरहेछु घातहरु ||
उमंगको छालहरु घायल बनी बगी जाँदा,
वेदनाको रेटाइमा खिइरहेछु आँतहरु ||