गजल-३३४

Ishwar Prabasi

Current Address:
Salt Lake City, UT. USA
Father/Mother: Pashupati/ Duk Maya Dangal
Originally from: Sarpang, Bhutan
Email: ishwardangal@gmail.com

ईश्वर प्रवासी
युटा, अमेरिका

मलाई लाग्छ जिन्दगी मारमा छ

फूलमा हैन खुकुरीको धारमा छ ।

मौरी अचेल पलायन भईसक्यो

किन हो फट्याँग्रो पो घारमा छ ।

जितको पनि के कुरा गर्नु र यहाँ

बाँकी जीवन लगातार हारमा छ ।

खुसी मिल्नु त डाँडापारिको घाम

मुटु त आजकाल काँडे तारमा छ ।

डालीको त भो अब यहाँ कुरै नगरौँ

पुतलीको बास त यहाँ झारमा छ ।।