गजल: ३६०
Albury, Australia
दुर्गा रिमाल
अस्ट्रेलिया
बोलाएपछि साथी पनि भट्टीमा आयो
आफूले पिउँनुको दोष देशलाई लगायो
मान्छेले लगातार ढिस्कनु भत्काइ रहे
यता अहोरात्र कमिलाले माटो ओसार्यो
प्रेमिकाले खामभित्र मुटु पठाइछिन्
के सम्झेर प्रेमीले खुकुरी पठायो
ससुरालीमा उसको जयजयकार थियो
जसले घरबाट बा-आमा खेदायो
पुनर्वासले मेरो एउटा पाटो छोपिदियो
अर्को पाटो जिन्दगीले अझै लुकायो