तिमीलाई देखेपछि
टंक उप्रेती
काठमाडौँ
तिमीलाई देखेपछि
मैले
काँडाहरु छामेँ
एक टुक्रा खण्डित सूर्य
मेरा अगाडि झ-यो
मैले उठाएर
आफैसँग राख्न चाहेँ
आकाशको नीलो बिम्ब बनेर
मेरो जीवनमा आउन चाह्यो
मै काँडाहरु छामेँ एकपटक
तिमीलाई देखेपछि मैले काँडाहरु छामेँ
म
छामिरहन्छु काँडाहरु
जब देख्छु सुन्दरता
म
काँडाहरु बोकेर हिँड्छु
जसरी काँडा बोकेर हिन्छन्
तमाम जीवित मानिसहरु ।