भाषा साहित्य भित्र
Canada
भानु ढुङ्गाना
क्यानाडा
बिहानले छ भन्दिने
दिवा छ मित्र बन्दिने।
छ सूर्य को प्रकाश यो
कवित्व को विकास यो ।
नवीन पुष्प पत्रमा
उठेर जाग सत्रमा
हुनेछ चित्त गौरव
गुराँस चाँप सौरभ।
दिने छ शैल निर्मल
पहाड काव्य को फल
सुदूर सम्म उज्ज्वल
हिमाल भित्र झल्कल ।।
सबेर हेर लाखमा
हुने छ नित्य काखमा!
बिहानले दिने छ त्यो
प्रदिप्त दिन्छ दिप्त त्यो।
लिने दिने हुनू कवि
बनाउँदै बढो छवी
नराखुँ चित्त पञ्जरो
विलास दास को चरो
सडेर गल्छ देह यो
हुँदैन बन्नु हेय यो
म साधना गरौँ सँधै
बिहान प्राप्त मै सँधै।।
वसन्त ग्रीष्म वागको
सुवास पुष्प रागको
लिएर लेख सुन्दर
छ ज्ञान देउ सागर ।
छन्द-प्रियंबदा