वर्षभरिको शुभकामना
-विष्णु पोखरेल
भगिरथ उच्च मा. वि.
मोरंग नेपाल
म तिम्रो तस्वीरलाई हरेकदिन
प्रेमरस बर्साउँदै आँखाले सुमसुम्याउँछु ।
तिम्रो सामिप्यमा बिताएका पलहरू सम्झेर
म आफैँभित्र हराइदिन्छु ।
तिमी माघको हुस्सेलाई च्यात्तैच्यात्तै
सुदूर भविष्यका नवीन कुरा छर्न
पाठशाला जान्थ्यौ ।
अन्तरमनका अनन्त भावहरूलाई थिचेर
मरेका मान्छेका इतिहास पढाउथ्यौ ।
मनभित्रका छालहरूको आरोह अवरोहमा
चरम आर्थिक सङ्कट र निसास्सिने परिवेशभित्र पनि
उच्च मनोबलका साथ हिमालझैँ अटल रहथ्यौ ।
अब
समयले नयाँ पालुवा फेरून्
आकासमाथि लागेका काला बादलहरू फाटून्
तिम्रा एषणाहरू क्रमशः घण्टाघरको घडीको सुईझैँ घुमून्
निरस मनहरूमा वसन्तको बहार छाऊन्
तिम्रा उमङ्गको बगैँचामा फुलेका फूलहरू कहिल्यै नओइलाऊन्
यही छ मेरो सबै डायस्पोरा नेपालीहरूलाई
नववर्षको शुभकामना ।
man ko kabita, gham ra jun ko kabita,sundar kabita, harek naya warsh afeaima euta kabita ho