कार्गो
Also called by Yati Raj Nyaupane, Yati Raj Ajnabee is an enthusiast of letters who had to leave his parents, siblings and his homeland in the first year of his teens in 1992. He, who was born in Surey, a village in Southern Bhutan, has been living in Australia since September 2008. The chap is convinced that the language and literature of a community reflect how far it has reached in the road to civilization. According to his inner man, underlining promotion and preservation of culture, language and literature in a foreign country when an exodus leaves its indigenous locale for keeps, is so tough and testing that it turns out to be a knack if one does well in doing so. He can be contacted at yrajanabee@gmail.com.
यतिराज अजनवी
अष्ट्रेलिया
एक बेला यो कार्गो पनि
कुनै देशको नागरिक थियो
बनाइयो त्यसलाई शरणार्थी
र ट्रकमा कोचेर ल्याइयो अर्कै देश
कुनै समय यो कार्गो
शरणार्थी भए पनि मान्छे थियो
झिकियो त्यसको मुटु
निचोरियो त्यसका धमनीबाट रगत
र बनाइयो त्यसलाई आज्ञापालक रोबट
ल्याइयो अनि कार्गो बनाएर त्यसलाई
जहाँ छ त्यो अहिले बाँचेको
संवेदनाशून्य दीर्घ जीवन
अलजाँइमर रोगीले झैँ
त्यसले अतीत बिर्सँदै गएको छ
घामको न्यानो, पानीको रुझाइ
अनि बतासको स्पर्शले नछोइने भएको छ
त्यसले देख्न छाडेको छ आकाश
टेक्न छाडेको छ धर्ती
त्यसलाई यहाँसम्म ल्याइँदाको इतिहास लामो छ
कहाँ, कहिले, कसरी, कति अवधिमा
कस्तो-कस्तो सामग्रीको प्रयोगद्वारा
त्यो उत्पादित भयो
त्यसमा परिपालक पदार्थहरूको
प्रयोग गरिएको छ-छैन
त्यो सबै खाले मौसम थेग्न सक्ने
लचिलो र टिकाउ छ कि छैन
जस्ता कुराहरूको सूक्ष्म अध्ययन गरेर
त्यसको खरिददारले त्यसको उत्पादनसम्बन्धी
इतिहासमा विद्यावारिधि गर्यो
यहाँसम्म आइपुग्दा त्यो कार्गो
स्क्यानरहरूबाट पटक-पटक गुज्रिएको छ
कैयौँ चोटि कुकुर सुँघाइएको छ त्यसलाई
जाँच-पडताल गरिएको छ त्यसको
अनेक ट्रान्जिट र टर्मिनलहरूमा
कहाँबाट कसले कहाँ चलाउँछ
कार्गो उत्पादन गर्ने कारखाना
त्यसले आफू कार्गो बनाइएपछि
थाह पाएको हो
अष्ट्रालियन लाइभस्टकको
लाइभ एक्सपोर्टको माग बढ्दो छ
जिउँदै कन्टेनरमा हालेर
इजरायल, कतार, साउदी अरबतिर
निर्यात गरिने पशु र त्यो कार्गोमा
मात्र दुइटा खुट्टाको अन्तर छ
जबसम्म प्रत्येक राष्ट्र आत्मनिर्भर बन्दैन,
प्रत्येक नागरिक स्वावलम्बी हुँदैन
र देख्छ उसले विदेशमा विलास
तर देख्दैन जिउँदा लास
तबसम्म चलिरहने छ
मानव कार्गो उत्पादन
र त्यसको कारखाना