गजल-३१७

सुशिल रेग्मी –  एक्रोन-अमेरिका

कस्तो मान्छे मानसिक रोगको शिकार हुन्छ?

ऊ जो सबै सँग अति नै मिलनसार हुन्छ  ?

 

कसलाई  चोट पीडा र दु:खहरुले घेरिरहन्छ

जसको पलपल साथ दिने सुन्दर परिवार हुन्छ ?

 

कस्तो प्रेम जीवनले मानसिक रोग नित्याउँछ

जसको प्रेम जीवन अरुको भन्दा दिलदार हुन्छ ?

 

मानिसक रोगले उसलाई छुने चेष्टा पक्कै गर्दैन

जसलाई गाउँ भरिकै सुन्दर सन्तानको बहार हुन्छ

 

भन्नोस ल उसलाई के को पिरले सताउला र-

जसको कमाइ अरुको दुई हुँदा उसको चार हुन्छ ।

 

ए पढे लेखेका महान अनि सबै जान्ने महात्माहरू

मुटु र पेटको रोग पनि मानसिक बिमार हुन्छ ?