गजल – ३८०
नेत्रप्रसाद आचार्य
टेक्सास, अमेरिका
(मेरा देवता तुल्य माता-पिता प्रति समर्पित)
आफ्नो अर्को देख्छु भने, म त्यही सिकाउँदै छु
सन्ततीको भागमा रहने, त्यही सिकाउँदै छु।
मीठो बोली दुई गाँस दिनु यो मेरो कर्तव्य हो
आखिर उही हो फर्कने, र त्यही सिकाउँदै छु ।
मलाई भला गरून् नगरून्, मैले गर्नै पर्छ
पल सबैको आउँछ पल्टने, त्यही सिकाउँदै छु ।
जन्म दिउन, कर्म दिउन या केही पनि नदिउन
नहुनु है झट्ट बद्लने, त्यही सिकाउँदै छु ।
ठेस लाग्यो होला भन्दै निदरीमा तर्सनेसँग
फेरि मौका देऊ जन्मने, त्यही सिकाउँदै छु ।