गजल-९१
डिल्लीराम शर्मा आचार्य
क्रागेरो, नर्वे
यथार्थ नै भन्नु पर्यो केस्रा जिलाएर
गोडमेल गर तिमी गेडा मिलाएर ।
यो वगैंचा तिम्रो बनोस शान्ति श्वास फेर्ने
अझै फूल रोप तिमी अमृत खिलाएर ।
ससाना गेडाहरू फलिर’न्छन् भित्री
अतिथिलाई तृप्त गर रस पिलाएर ।
स्वर्ग जस्तो भूटान मालिनी भै बस
राजा, पनि हाँसिरहुन् शान्ति दिलाएर ।
तिम्रो मन मन्दिरमा अँटाइदेऊ मलाई
तिमीसँगै बाँचिदिन्छु मन सिलाएर ।।