गजल-४६२
डिल्लु चम्लागाई/ओहायो, अमेरिका
सुख दुःख समय हो एक-एक छिनमा आउँछ
घडीको काँटा एक दिन मेरो अधीनमा आउँछ ।
भरिएको घडा हेरेँ चुपचाप मन्दिरमा बस्यो
सधैँ ठुलो आवाज रित्तो जर्किनमा आउँछ ।
आज मेरो दुःखलाई तिम्रो शुभ लग्न सम्झियौ
संसार गोलो छ तिम्रो पालो दुई दिनमा आउँछ ।
उसको प्रकाश अस्ताउँछ मसँगै आउँछ जसरी
उज्यालो खोज्दै जुनकीरी लालटिनमा आउँछ ।
मेरो रगत तात्छ दापको खुकुरी जब उठ्छ
दुश्मन सिमाना मिचेर मेरो जमिनमा आउँछ ।