गजल-७१
Norway
डिल्लीराम शर्मा आचार्य
क्रागेरो, नर्वे
सिंगै संसार भिखारीको घर कहाँ छ र
जति पोल खरानीलाई डर कहाँ छ र ?
आतंकको जमाना यो बन्दुक र गोली
नपड्केको दिनै छैन भर कहाँ छ र ?
लुगा लाई लाज ढाकेँ बाहिरी देखाउन
देश भेष खोज्छु यहाँ तर कहाँ छ र ?
तर्साउन खोज्नेहरू वरिपरि घुम्छन्
घरज्वाईं बस्नै पर्ने कर कहाँ छ र ?
राताराता आँखा घुम्छन् मेरै वरिपरि
टंकारले तर्सिदैन शर कहाँ छ र ।
श्रद्धाञ्जली मर्नेलाई बाँच्नेलाई माया
सञ्जालले जोडिएको पर कहाँ छ र