गजल- ३२९
तुलाराम ढकाल “सहयात्री” 
अाउँछ त्यहाँ एक दिन सुनौलो बिहानी हेर
ए शासक लाग्दैछ गोली छातीमा निशानी हेर,
कति मुल्यवान छन् ती धेरै निर्दोष अाँसुहरु
फर्किएर एक चोटि भिजेको सिरानी हेर,
फरक छैनौ मान्छे हौ या त पशु तिमी
घरबार उडाई दियौ कसैको जिन्दगानी हेर,
चिनले लग्यो मेरो कुलागांग्री भारतले डुवर्स
जिग्मे अब असुरक्षित छ तिम्रो राजधानी हेर,
तिम्रो यहीं पारा हो भने ‘इतिहास’ बन्दै छौ
अब अस्तित्व बचाउन ठाउँ छानी छानी हेर…!