गीत: घर जल्यो
खडेरीको हुरी पनि के गरेर चल्यो चल्यो
पोहोर आधा जल्या घर यस्पाली त पुरै जल्यो
घर फर्की जाउँ भने बाटो रोकी दिन्छन् यहाँ
यतै बसी बाँच्ने आशा ईश्वरैले छिन्छन् यहाँ
दु:खमाथि दु:खै थप्न जुटी दे न के भयो र !
सास मात्र राखी बाँकी लुटी दे न के भयो र !
म त यसै सुकुम्बासी बाँच्नलाई मागुँला म
मिर्मिरेमै सुख्खा रोटी खानलाई जागुँला म
भगवान हो भन्छस् नि तँ सबै देख्न सक्छस्
तँलाई नै दु:ख परे कसलाई गई पोख्छस् ।।
२०६७-१२-११