गीत

अर्जुन प्रधान
मिनिसोटा, अमेरिका

मेरो शिरमा स्वाभिमानी गाथा कोरियोस्
यी हातले सधैँ इतिहास कथा लेखियोस्

गाउँ गाउँमा प्रकाशको ज्योति छरी
आँट जोस जाँगर सबको लिई हिँडी
हक अधिकार सुनिश्चित गर्नु पर्छ भनी
मैदानबिच आवाज दिए पुर्खा महान् बनी

अन्धकार त्यो बस्तीभित्र अधिकारको नाम
ज्वालामुखि शक्तिलाई दिए आफ्नो सलाम
रक्त पसिनाले आर्जिए हिमाली देश भूटान
हामी सबको रक्षा भयो विश्व इतिहासमा

देशको झण्डामा मेरो बलिदान रंगियोस्
प्रजातन्त्र देशमा स्वतन्त्र सदा फैलियोस्