गीत

यतिराज अजनबी
एड्लेड,अस्ट्रलिया

बसौं बौद्ध ईसाई हिन्दू मिली मुसलमान
यही मन्त्र जपे सधैं आउँने छैन तूफान

माने पद्मे माने पद्मे हुँ भन्दै हिंडून् लामाहरू
नमाज पढून् मस्जिदमा उस्तै मौलानाहरू
पण्डित अनि पादरीको उपदेश छ समान
बसौं बौद्ध ईसाई हिन्दू मिली मुसलमान

निर्वाण प्राप्त गर्नु प्याराडाइस पुग्नु उही
जन्नत जानु होस या स्वर्गवास हुनु उही
यति कुरा बुझाउन चाहिन्न कोही महान्
बसौं बौद्ध ईसाई हिन्दू मिली मुसलमान

एल्बम्ः अजनबी
संगीतः कर्मा ग्यालच्छेन
स्वरः कर्मा ग्यालच्छेन्, बानिका प्रधान

गीत हेर्न/सुन्न यहाँ थिच्नुहोस्