गीत

यतिराज अजनबी,
एड्लेड, अस्ट्रलिया

पँधेरीमा भेटेको मान्छे, अँधेरीमा काम लागोस्
हाटमा भेटिएको मान्छे, घाटमा काम लागोस्

माटोले जोडेकाहरूलाई, नछुट्याओस् बाटोले
बाटोले छुट्याएकालाई, सँगै ल्याओस् माटोले
नलागोस देशको माया, लागे पछि भाम लागोस्
पँधेरीमा भेटेको मान्छे, अँधेरीमा काम लागोस्

बाठोले बोलेको केही, पनि नबुझला लाटोले
लाटोले बोलेको सबै, सबै बुझोस् बाठोले
सबै नेपालीलाई अर्को, नेपाली राम लागोस्
पँधेरीमा भेटेको मान्छे, अँधेरीमा काम लागोस्