तीजे गीत
के.बी. चौहान
अमेरिका
तीइजको लहर… माइत जाने सबको रहर । २
तीइजको रमझमी… दिदी बहिनी नाचौं छम्छमी ।।२।।
भूटानबाट नेपालमा, एमरिकामा आको ।
सबैजना भेला भई, तीज मनाउन पाको ।।
चेली माइती एसै गरी, भेट होइर’नु पर्छ ।
जन्मभूमी सम्जी सम्जी, तीज मनाउनु पर्छ ।।
तीइजको लहरः माइत ………
तीइजको रमझमीः दिदी……..
सिन्दुर पोते धागो चुरा, रातो सारी लाको ।
एरिजोना हाम्रो घरमा, चेली बेटी आको ।।
नाचे गाए हाम्रा चेली, साह्रै राम्रो हुन्छ ।
नभुल है माइतिलाई, सम्झी मन रुन्छ ।।
तीजको लहर….
तीजको रमझमी …..
दिदी बहिनी यसै गरी, कहिले भेटिन्छ र ।
नाच्ने गाउने रहर हाम्रो, कहिले मेटिन्छ र ।।
बहिनी तिम्ले कती दिन्को, छुट्टी लेर आको ।
पञ्चमीको दिन सम्मलाई, मैले बिदा पाको ।।
तीइजको लहर ….
धन्य मेरी सासुज्युले, नपठाउने भन्थिन् ।
आमा सारी सासु मेरी, जे भने नि मान्थिन् ।।
माइत घरमा जम्मा भए, सबका छोरी चेली ।
वर्ष दिनमा भेट भयो , बसौ हाँसी खेली ।
तीजको लहर….
तीजको लहर….
मलाई लिन आइपुग्दा, सासु चर्की हाल्लिन् ।
यसपालिको तीजमा चाहिं, नआऊ भन्न थाल्लिन् ।।
बर्ष दिन भो भेट् नभाको, न्यास्रो बाबु आमा ।
तीजमा पनि बुहारी भर, कसले गर्छ काम ।।
तीइजको लहर ….
परिवार मेरो देउता सरी, लोग्ने पर्यो सिदा ।
यसपालि त १५ दिनको, लेर आको बिदा ।।
मेरो मात्रै कर्म कस्तो, लोग्ने पर्यो जँडा ।
यो आधुनिक युगमा पनि, किन यस्तो सडा।।
तीइजको लहर….
तीइजको रमझमी ….
कस्तो रछ कर्म हाम्रो, परै घरमा जाने।
जन्म दिने बाबा आमा, माया मार्नु पर्ने ।।
यो चेलीको ललाटैमा, यस्तै लेख्या रैछ ।
कस्तो जन्म दियौ हाम्लाई, नाच्ने बन्नु रैछ ।।
तीइजको लहर ….
तीइजको रमझमी ….
दशैं तिहार भन्दा पनि, तीज्को लाग्छ रहर ।
जन्मभूमी प्यारो हुन्छ, मिस गर्यौ है गाउँघर ।।
बल्ल बल्ल आउँछ तीज, चाँडै जान्छ किन ।
फेरि अर्को भदौ नआई, कोइ आउँदैनन लिन ।।
तीइजको लहर ….
तीइजको रमझमी ….
फर्क चेली घरमा अब, राम्रो धर्म थाम्नु।
आफूभन्दा ठूला जनलाई, आदर गर्न जान्नु ।।
शील स्वभाव गर्गहना हो, त्यसको गाना गाउँछौ ।
फेरि अर्को तीजमा हामी, पक्कै लिन आउछौं ।।
तीइजको लहर …
तीइजको रमझमी …
कैले भेट कैले बिछोड, यस्तै रैछ चोला।
बाइ बाइ छ है चेली रानी, आउँदै गर्नु होला ।।
फेरि अर्को तीजमा हाम्रो, पक्कै भेट होला ।
के.बी. चौहान मेरो नाम, नबिर्सनु होला ।।
तीइजको लहर, माइत जाने सबको रहर ।
तीइजको रमझमी, दिदी बैनी नाच न छमछमी ।।
(गीतकार भूटानका पूर्व सांसद हुन्-सं)