थुक्क………….?
प्रकाश घिमिरे
नोर्थ डकोटा, अमेरिका
त्यो बाजो फाल्ने तिम्रो रहरमा
यो भाजो हाल्ने कुन तत्व हो,
यसै भये जमीन फुल्ने छ
बेकाम पाखुरी थुक्क के महत्व भो?
हिजो रोइन बसन्ती
अस्मिता भंग पारी
आज कृष्णे रोयो उसै
एक्लै सबैसंग हारी
भोलि हर्के रोला हिकहिकाउँदै
देखेर यो मारामारी
यो सबलाई बिजाउने कुन तत्व हो
बेकाम पाखुरी थुक्क के महत्व भो??
पालो कुर्दा कुर्दा यहाँ
पैँचो चुहुल्ली जान्छ
न्याय पाऊँ हजुर भन्दा
अन्याय सुनिन थाल्छ
वाक्य सिद्ध नपारी पसिना चुहाउनु रे
एक छाक टार्न दस नंग्रा खियाउनु रे
यो सधैँ हेप्ने हेपाउने कुन तत्व हो
बेकाम पाखुरी थुक्क के महत्व भो???