देश अमर रहोस् सधैँ
इन्द्र प्रकाश खवास
अमेरिका
अमेरिका
जाँदा–जाँदै बाटो बिर्सिएर
बटुवा कता–कता पुग्छ,
अमूल्य जीवन पाएर पनि
नजाने जीवन कतै आँसुमा डुब्छ ।
आधा कल्चे अतीतको त्यो घाउ
फुटेर जहीँ तही लथालिङ्गै हुन पुग्छ ,
लौरो र कोर्राको यातनाले कता–कता
घोचे सरी फेरी आज बल्झिएर दुख्छ ।
लिपिएको छ चोट निको नहुने गरी
बेघर बनाई हाल्यौ छैन घर संसारभरि
जाँदै छौ धेरै टाढा सम्झना नगरे पनि
देश अमर रहोस् सधैँ हामी मरेर गए ता पनि ।