गजल-४४१

झगेन धिमाल
मेलवर्न, अस्ट्रेलिया

ती भट्टीहरूमा रक्सी र सुकुटी खाएको दिन सम्झ
कानमा कुन्डल अनि भित्ती पेन्ट लाएको दिन सम्झ ।

कति चाडै बिर्सिसक्यौ भातीजाँड र कोदाको तोङ्बा
गाँजा तान्दै त्यो चौतारीमा गीत गाएको दिन सम्झ ।

चिप्लो रोडमा मस्त हिँड्छौ चिप्लै कार गुडाएर
तर सम्झ धुलैधुलो बाटो धाएको दिन सम्झ ।

विदेशी बियर अनि रक्सीमा चुर्लुम्म डुबेको बेला
त्यो छाप्रोमा आधा जीवन दुःख पाएको दिन सम्झ  ।