अतितको हत्या

Jalan Bhandari

सूर्यास्तपछिको एक साँझ,
जब एडिलेड दैनिक झैं
बाह्र महिना पछिको,
हरेक हिन्दुवालाम्बीहरुको
रमाइलो दीपावालीमाझैं
विद्युतीय दिपमा झलमल्ल थियो,
मैँले मेरा भग्नावाशेष  अतितका
दर्दनाक पोकाहरु खोलेर,
आसाको बिस्कुन फिंजाए |

पुछारघरे अजिनी(Aussie) जेठीलाई,
पल्लाघरे अमेरिकन बाजेलाई,
सिरानघरे अंग्रेज आमैलाई,
अनि वल्ला घरे नेपाली काकालाई,
सबैलाई मेरो बिस्कुन देखाएर,
मेरा अतितका भग्नावाशेष टुक्राहरू
क्विक-फिक्सले जोड्नलाई,
पटक पटक गुहार मांग्दा
कसैले टेर पुच्छर लाएनन् |