पैसा
मधु घिमिरे
अमेरिका
आफन्त पैसा सुख शान्ति पैसा
माया र साथी सुविधा नि पैसा
विद्या र पेशा सब चीज पैसा
रित्तो छ खल्ती तर खोज्छ पैसा ।१।
पेट्रोल आगो बिजुली र पानी
वस्त्रादि नौला सजिलो सिरानी
कुर्सी तथा टेवल हुन् कि शोफा
पैसा बिना किन्चित छैन शोभा ।२।
होस् झोपडी वा दरबार भव्य
बन्दैन पार्टी अझ सभ्य सभ्य
कुर्सी मुनी लुक्दछ फेरि पैसा
झोले र चम्चेसँग रम्छ पैसा।३।
आवास गाडी गहना विचित्र
साडी र राडी अझ कोट भित्र
झल्कन्छ पैसाझलमल्ल नित्य
पैसा बिना जीवन छैन धन्य।४।
छन्द-इन्द्रवज्रा