गजल-६८
ओठभरि मुस्कान ल्यायौ साथमा तिमी पनि आयौ
धेरै आए जिन्दगीमा तिमी मनको धनी आयौ
सपनीमा बिपनीमा संगै रोयौं सगैं हासौं
जनमजनम तिमीलाई नै साथ दिन्छु भनी आयौ
सुटुक्क मन चोर्यौ थाहै नपाई दिलमा बस्यौ
मायाको बीउ छर्न जिन्दगीलाई खनी आयौ
खोज्दै थियौ आकाशमा ताराहरु बिच मलाई
लुकी-लुकी तारासगै चन्द्रमालाई गनी आयौ
तिमीसंगै बाचौँ लाग्यो तिम्रै काखमा मरौँ लाग्यो
मेरो जिन्दगीको यात्रा आज तिमी बनी आयौ
Hi bahini ke chha