गजल-१८
खै! कति लेखौँ देश चर्किएको कथा
चोटभित्र मनहरु मर्किएको कथा ।
हिजो बैनी आज आमा बलात्कृत हुँदा
असह्य भै धने अन्तै तर्किएको कथा ।
मर्दा न त चिहान नै छ शरणार्थीलाई
सपना भो धान बाला लार्किएको कथा ।
यौटा टाले अर्कोतिर भ्वांग पर्ने गर्छ
कसले सुन्ला यहाँ सुख झर्किएको कथा?
बुद्ध पनि शान्ति खोज्न कतातिर गए ?
नसुनाऊ बम बारुद थर्किएको कथा ।
१५/११/२००४
शनिश्चरे
tila, jaha raheni srijanako yatrama rahe6ou,
malai ati khusi lagyo,, pragatiko kamana 6 hai,,,,