गीत
मधुश्री
झरी बनी बर्ष तिमी सुख्खा धर्ती रुजाउन ।
धूलो धूवाँ बगाउन मन्को खुसी सजाउन ।।
कतै फूल फक्रिनेछ कतै बाली टुसाउनेछ ।
आशा भरि प्रकृतिमा खुसीयाली सुसाउनेछ ।।
मन्द मन्द मुस्कानमा मन्को लाज लजाउन ।
झरी बनी बर्ष तिमी सुख्खा धर्ती रुजाउन ।।
सारंगीको धून जस्तै रेट्दै मन्का तारहरु ।
मिठो गीत संगीतमा झुम्दै लज्जा झारहरु ।।
कोमल त्यो स्पर्शलाई मनै भरि फुलाउन ।
झरी बनी बर्ष तिमी सुख्खा धर्ती रुजाउन ।।
झरी बनी बर्ष तिमी सुख्खा धर्ती रुजाउन ।
धूलो धूवाँ बगाउँन मन्को खुसी सजाउन ।।
२७ असार २०६७