मृगतृष्णा
इन्द्र प्रकाश खवास
अमेरिका
आँखा भित्र आँसु छैन, आँसु भोर्ने कुरा गरो
मृगतृष्णा चञ्चल मन, यौवनलाई पुरा गरो !
सुन्दर–सुन्दर सेतो हातमा, कालो बाईको कुरा गरो
यौवन ढल्छ दिनानुदिन ,चाहनालाई पुरा गरो !
सिरमा शिरबन्दी , झुम्का लाउने कुरा गरो
लुकिछिपी लाएको माया, कामनालाई पुरा गरो !
बारुले कमर मृगनयनी, बहानाको कुरा गरो
सबै हिँड्छन् जोडी–जोडी, रित्तो काखलाई पुरा गरो !
माया पुरी पछ्यौरीले फेरो मारी, दिल खोली कुरा गरो
रात दिन तिम्रो यादमा पर्खी बसे, पानी पिउने कुरा गरो !
मरी लाने केही छैन दुई दिन जिउने, जिन्दगीलाई पुरा गरो
मृगतृष्णा चञ्चल मन, चाहनालाई पुरा गरो !